U Heyboyme Myrphet uwa man kam uwa chong chnong ka Lapangap da pynsñiaw u yei wym sñiawhun yeiwa da pynbait ka sorkar Meghalaya wa ki Karbi kiwa na Tahpat wow rep ki ha u loom pynthor wa em ha rood ki hali ki Lapangap.
Da e khublei u leh ya ka sorkar Meghalaya kawa da ye u yaklam wa ka sorkar Assam heiwa kiwa rep ka Lapangap da yoh ki wow rep deiwa suk ha ki hali pynthor yong ki, tangwa ym em won sñiawhun yeiwa yoh ki Karbi u rep ha uni u ki loom pynthor wa dang man u loom yong kiwa na Lapangap.
Da ong u leh wa kini ki thaw toh kiwa da mantre da ki Lapangap nadoh ki por warim wajah wei da rep heini da slem bha, kamtæ da kylli u wa ileh u chah ya ki Karbi wow rep ha uni u loom pynthor?
Neiliang yong oo da ong u wa neiliang ka chnong leh ym em hun ko yeini neibhah ka dorbar wa da pynman da u waheh chnong chwa wow lai yaklam wa ka sorkar Assam, neiliang ki paidbah ym em da mynjur ki kamni wow chah ya Karbi wow rep ki ha uni u loom pynthor wa dang mantre da ki Lapangap.
Da ong u leh wa hadien ki Karbi daw wanrah Scheme sorkar ki wow rep ha uni u loom pynthor ka Lapangap.
Discussion about this post