Na ki 350 tylli ki Truck wa lai cha Bangladesh lyngba ka Dawki ha chi sngi, hiar cha 25 tylli hadien wa pynmih hukum ka HC

Ka mukotduma wa da yaleh heiyatoh wa ki kari wa kit mar pohkhyndaw wa lai lyngba u sarok Dawki-Amlarem-Jowai (NH-206) kiwa da lai khlem da em ki Number Plate wa ki kot ki sla wa biang yow chalan mar cha Bangladesh kiwa kit mar na ki thaw tih moochuni, da chong bichaar biang ka da ka Meghalaya High Court ha ka miej bichaar ka Justice Revati Mohite Dere, Chief Justice wa u Justice W. Diengdoh, Judge.

Ha ka Report wa da e jubab wa da u Amicus Curiae ka High Court, da ong wa kamwa 300 hadooh 350 tylli ki Truck toh kiwa lai cheiliang ka Dawki man-ka-sngi wei hadien wa pynmih hukum ka yung bichaar da hiar cha 25 tylli ha ka chi sngi.

Ka Report da ong ko leh wa em ki thaw wym em yoo yei lai Patrolling ki pulit katkam wa emkaam wei u sarok leh da man u uwa sih bha iwa da ktah ya kiwa uiñke suwari kiwa pynemkaam ya uni u jooh u sarok.

Hadien wa pynmih hukum ka High Court da chem leh wa waroh ki Truck toh kiwa em Number Plate lait noh ka wi ar.

Ka High Court da ong ko wa ini pynyoo ko wa da sdang wow bood ya ki kyndon tangwa ka chnat Transport ym pu em leh ko deiwa hun kamjooh ki pulit ki wym em ha i bynta uni u sarok kamjooh ha ka Interated Check Gate yow pynlai ya ki kari.

Related posts

Chah kem uwa kreh sorkar hadien wa chem ya ka poisa wa palat Rs. 2 klur deilang ki yung ki sem wym yahaap wa iwa yoh tulop u

June 7, 2026

Kiyi wa lai pynhaap mooyong ha ki karkhana Coke hawa da khang wow tih?

June 7, 2026

Da ong leh wa kiwa boon ki sarok wa lai cha ki paar moochuni toh ki wym em Signboard iwa man i daw wa chitom wow tip neiwon mih ki mar wa kit ki Truck wei kini ki Truck wa yieñ kawi hadien kawi da pynbor ki ya kiwi ki kari khian wow lai na ka Wrong Side iwa man iwa maa bha.

U Commissioner of Transport ka chnat sorkar Meghalaya hawa e yei jubab lyngba ka Affidavit ha ka 3 tarik uni u bnai da ong wa da leh ya ka Special Intensive Drive ha waroh ki District ka jylla yow pyntikna wa da bood ya ki kyndon heiwa waroh ki kari da biang ki ya ki kot ki sla heiwa nadooh ka 16 tarik u April 2026 hadooh ka 22 tarik u May 2026 palat 29,000 tylli ki kari wa chah kynreh ha ki 12 District ka jylla yow chem ya ki wym em ya ka High Security Registration Plate, ki Fitness Certificate, ki PUC Certificate, ki Insurance wa ki wym em Permit.

Ha East Khasi Hills ki kari wa chah kynreh da em ki 7926 tylli katwa ha West Jaiñtia Hills 4539 tylli.

Puræ leh: Sñiawkhia ka HC wow tip wa em boon ki Truck wa chalan mar cha Bangladesh khlem em Number Plate