U Heyboyme Myrphet deilang wa kiwi kiwa chong chnong ka Lapangap, ynne da yachem ki yow yaklam yei rai ka sorkar wow chah u rep ki Karbi ha loom pynthor uwa dang mantre da ki Lapangap hi neidaw wa ka dorbar chnong hi ym em chah ko ya ki wow thung da ki ladaw wa ki satrooiñ.
Da ong u wa ka chnong chah ko wow rep du ya kat ki salah wa ki chru donhi deiwa pynemkaam da ki wakhu wa ki wait tagwa ki Karbi kattæ da wanrah ki da ki Tractor wa ka pooh chiloom yow loor ya u loom yow thung ya ki dieñ ki satrooiñ yong ki.
Da ong u leh wa nadooh ini wa dep ym em hun wow wanrah ki da ki kor neibhah manda wanrah da ki kor toh lyngba ka Scheme donhi wei lada kini ki Karbi ym sangeh ki, daw pynboon paaid yow lai pynsangeh yeitai i rep i riang yong ki.
Da rai leh wa myntu u pyntip chwa cha u waheh chnong wei lada ym lai pynsangeh daw lai ki da ki hi yow pynsangeh yei rep ki Karbi.
Discussion about this post