Ynne ka sngi kamwa san ngut ki bru da yap ki nei khih u khmi wa khlanbor 7.8 ha General Santos ka Philippines heiwa da em boon tylli ki yung wa oor kamjooh leh da maham wa ye u wan u Tsunami ha kiwa boon ki thaw.
U Agripino Dacera uwa man u khlieh ka Disaster Management ha General Santos da ong u wa dang yang ya ka yukheiñ yong ki bru wa yap wei hadooh katwon wa chah ktah ha u khmi.
Ki bor sorkar ka Philippines wa Indonesia da kyntu ki ya ki bru wow ku cha ki thaw wa jrong neidaw wa tieñ ya wan ka Tsunami wa deilang ka um wa jrong palat 3ft wa ye u ktah ya ki rood duriaw ka Philippines.
U President ka Philippines, u Ferdinand Marcos Jr. da phah pyndam u ya ki skur waroh ha Mindanao wei da kyntu u ya kiwa sah ha rood duriaw wow yut ki cha ki thaw wa jrong.
Iwi na ki Video wa da poor bha kattæ najrong wa haap wa oor ki yung ki sem, da yoo ya ki khynnah wa dang yalang chwa wow sdang skur ki iwa tip kam i Mahayahay Elementary School wa em ha Davao Occidental Province heiwa da yoo ya ki khynnah wa chong dem ki katwa i khyndaw khih i cha timun tidiang heiwa hadien kattu katni por haap i trep wa chna da ka Tin wa em hadien ki.
Discussion about this post