U heh ka National People’s Party (NPP), u James PK Sangma, ynne da thap pyrtuid u kam u kyrtong MP cha Rajya Sabha na Meghalaya.
U James da thap pyrtuid u ha kamra krehkaam u Returning Officer ha Meghalaya Legislative Assembly Secretariat.
Ka chuki MP Rajya Sabha da thylli ko hadien wa daw kut noh ka samoi krehkaam u Dr. WR Kharlukhi ha uni u bnai.
Ka Election Commission of India da pynbna ko ya ka Election MP cha Rajya Sabha ha ki 24 tylli ki Seat ha ki 10 jylla wow pynman ha ka 18 tarik u June nadooh 8:00 AM hadooh 4:00 PM, wei i ñiaw Vote ha ka jooh ka sngi heipor 5:00 PM.
Ka sorkar MDA-II wa kynthup ya ka NPP, UDP, BJP, HSPDP wa ar ngut ki MLA samen da rai ki wow kyrchaan ya u kyrtong ka National People’s Party (NPP).
Ka MDA-II toh kawa em boon paaid wei u James Sangma da yooluti u jop suk u heiwa ka Liang Pyrchah hadooh kattæ ym em pynbna kyrtong ko.
Discussion about this post