I kynrum kynram hapoh ka TMC dang joor i kat dang mih ki sngi heiwa ha ka 08-06-26 da em 20 ngut ki MP Lok Sabha wa yahkhmat da ka Chief Whip, ka Kakoli Ghosh Dastidar, da thoh ki cha u Speaker Om Birla wow kyrchaan ya ka sorkar NDA wa yahkhmat ka BJP wei ini pynyoo i yei sdang kaad ka TMC hadien wa rem ko ha ka Assembly Election ha West Bengal.
“Kamwa 20 ngut ki MP ka TMC chirup wa nga da thoh i cha u Lok Sabha Speaker Om Birla wow pynsñiaw yei kyrchaan ya ka sorkar NDA,” da ong ka Kakoli.
Neiliang ka TMC wa yahkhmat da ka Mamata Banerjee da rai ko wow kyrriah ya ka Kakoli kam ka Chief Whip ka Party ha Lok Sabha deiwa thung noh da u Kalyan Banerjee, tangwa yeini ympu em u thoh cha ka Lok Sabha Secretariat.
Ka Kakoli da ong ko leh wa da pdiang ki yei rai ki paidbah ha ka Election Assembly wei neibynta ka mynried da rai ki leh wow noh cheiliang ka NDA.
Kini ki 20 ngut ki MP da yachem ki leh wa u Montri ka sorkar pyrdi, u Bhupender Yadav wow yaklam psiah cha ka BJP.
Ki 20 ngut ki MP kynthup ki ya u Sukhendu Sekhar Ray uwa da hiar na ka Party wa kam u MP ka Rajya Sabha ha ka 8 tarik, u Prasun Banerjee, ka Sharmila Sarkar, u Jagadish Chandra Basunia, u Kalipada Saren Kherwal, u Arup Chakraborty wa kiwi.
Discussion about this post