U Omar Abdulkadir Artan uwi na ki Referee wa pawnaam ka Somalia, Africa uwa man leh uwi na ki 52 ngut ki Referee ka FIFA neibynta ka World Cup dapoi u ha Miami International Airport ha ka 6 tarik uni u bnai June lyngba ka lieñsuiñ na Istanbul, Turkey.
Manda poi u ha Airport, ka US Customs wa ka Border Protection hadien da bichaar ko ya u Omar da thap biang ko oo ha ka lieñsuiñ yow liwan cha Istanbul.
Yeini da pyntikna da ka FIFA ha ka 7 tarik heiwa u Omar ymye de u wow chimbynta ha ka World Cup 2026 deiwa ong wa ka FIFA ym embynta ko ha ki kyndon pdiang bru (Immigration) ha katai ka ri khamtam wa yatoh wa ka Visa neibhah boonsien hi ki ri wa rai wow e ya ki Visa.
Neiliang ki heh ka Ministry of Youth and Sports ka Somalia da pyntikna ki yeini i chah kyntait u Omar ha USA wei ka Somali Embassy da e ko ya oo da ka Diplomatic Passport tangwa neidaw wa ka Somalia em ko ha ka ‘Travel Ban’ u President Donald Trump uwa da ong wa ki bru na Somalia wa wan cha USA toh ki jhep.
Katkam wa man kiwa yalehke wa kiwa embynta ha ka World Cup ym em u ngat ki hapoh kani ka kyndon khang (Travel Ban) tangwa kini ki kyndon ym em krehkaam ki ya u Omar.
U Omar da yoh u ya i naam Referee Of The Year na ka Confederation of African Football ha u 2025 wei da embynta (Officiate) ha ka Africa Cup of Nations.
Discussion about this post