Kawi ka manbei kawa man leh kam ka YouTuber kawa chna ki Video wow pynyoo paidbah hadooh katwon em ksiar ko kamjooh i im deiwa pahooh pahaaiñ kawa chong wa sah ha Shivpuri District ka Madhya Pradesh, da booh ko ya idæ hei maa deiwa chah thooh i ksiar, i rupa wa ka poisa na yung wa sah ko.
Hei step synyaaw ka 6 tarik uni u bnai, kiwa tooh da psiah yabor ki chei yung ka Rachna Gurjar iwa em ha chnong Mohani deiwa khang yei kamra wa thiah ko deiliang ki khon ki kti wei da tooh ki yei ksiar, i rupa deilang ka poisa wei da rah ki wot ya ki Energy Drink wa em chi Carton.
Kini ki mar wa da chah tooh da antaad wa chongdor i Rs. 8 lak hadooh Rs. 10 lak.
Katkam wa ong ka Rachna, kini kiwa tooh da psiah ki chapoh yung heipor 2:00 waje i step synyaaw heipor wa ki waroh dang thiah ki heiwa da khang ki ya waroh ki kamra wa thiah ki wei da tooh ki yei ksiar, i rupa wa ka poisa.
Da pyntip ko leh wa da pynkyruiñ ki ya ki CCTV hadooh wym em yoh u riñdur wei ye u man da leh ki yeini deiwa pynemkaam da ki deiñ yow ngiat ya kini ki Camera.
Da khana ko wa heipor wa khai thiah ki hei step manda mut ki wow wai dwar chem ki wa da chah kset ki chapoh, kamtæ da Phone ki cha kiwa emyatoh ki kiwa da wan wow pynlait ki.
Ki pulit da suba ki wa neidaw wa ka Rachna kawa em palat 1 lak ngut kiwa bood ka ha ki Social Media, ye u man i daw wa jia ini heiwa ka da pynyoo ko leh yei yung wa sah ko, i ksiar, i rupa, ka poisa kamjooh i rukom im.
Ha iwi i Video da pynyoo ko ya ki kamra i yung wa sah ko nadooh i thaw psiah wei da pynyoo ko leh ya waroh i ksiar i rupa wa em ko deiwa booh ki hajrong kawi ka miej.
Ki pulit da ngait ki leh wa deiwa pynyoo ka Rachna yeini waroh da pynman ya kini kiwa tooh wow suk ki u pynkhreh kammon wow psiah chapoh wei wow tooh plak ya kini mar wa kordor.
Discussion about this post