U Project Manager ka SAI Computers, u Rajeev Ranjan Kumar da ujor FIR u deiwa ong wa ka Office krehkaam yong ka SAI kawa em ha Ranikor-Pamdaba da chah thang ko ha ki bru wym ye u tipmit hei miet ka 7 tarik uni u bnai.
Katkam ka ujor utai u Project Manager, da kam wa ha itai i chah thang diñ ka yung krehkaam ka SAI, ki kor Computer wa kiwi ki tiar da iñkhaw ki wei da dooh nong hadooh Rs. 2.5 lak hadooh Rs. 3 lak haroh.
Neiliang ki pulit ka Ranikor Police Station da Register ki ya ka Case hajrong ini wa jia wei ka takit dang lai ko chakhmat hajrong kani ka ujor.
Kam wow kdaw heini wa ki seiñbhalang wa ki paidbah yong ka Ranikor, Mawphlang wa Mawsynram C&RD Block da pyrchah joor ki yei e kti ka sorkar ha ka SAI Computers Limited wow saam bordiñ ha ka thaaiñ.
Da maham ki leh wow lai toor cha ka Secretariat yow dawa pyndam ya ka Contract yong katai ka Company kawa na baar jylla wow wan saam bordiñ iwa da pynman ya u Montri Rangbah ka jylla wow pynbna ynnin ka 9 tarik wa da pyndam noh ya ka Contract yong katai ka Company.
Discussion about this post