Ka sorkar Meghalaya da rai ko wow pynsangeh chwa ya waroh i lai baar ri kiwa da kyrchaan poisa da ka sorkar neibynta ki Montri sorkar, ki MLA wa ki sahep sorkar neibynta 6 bnai kam chibynta wow pynduna i pynlut pynsep wei wow syndong ya ka poisa ka sorkar.
Yeini da leh deilang waroh ki sorkar jylla deiwa pynduna ki yei pynlut phut neiwa pait yei long i man ka khayi pateiñ hapoh ka pyrthai kamjooh i kynaad wa da mih yow lait leh u duna iwa da em chwa.
Deiwa chim yeini i rai, da em 8 tylli ki kaam lai baar ri (Foreign Study Visits and Exposure Programmes) heiwa kamwa 63–68 ngut ki sahep sorkar wa kiwa mihkhmat na kiwa boon ki chnat da pynsangeh chwa.
I thmu ini i lai baar ri toh neibynta ki kaam wa yatoh wa i rukom krehkaam ka sorkar, i ri mrad, i yada ya ki tyllong um, ki kaam sumaar sukhær, ki kaam yada rymaw wa ki kaam wa yatoh wa ka Election wei ki ri wa da thmu wow lai kynthup ki ya ka United Kingdom, Denmark, United States, Japan, Thailand, Vietnam wa Argentina.
Da pynche wa ini iwa da pynbna da ka sorkar jylla ym em ktah ko ya kitu kiwa da pynbna da ka sorkar pyrdi kiwa da pynlut da ka hi lane da ki Multilateral Development Banks iwa chong hei rai ka Ministry of External Affairs ka sorkar India.
Discussion about this post