Ka KSU-West Jaiñtia Hills District Unit, ka KSU-War Jaiñtia Circle deilang ka FKJGP ynne ka sngi da kynreh ki yei roi ki Truck baar jylla kiba wan kit mar ha ki bynta ka War Jaiñtia.
Heini i kynreh ki ar seiñ da chem ya palat 200 tylli ki Truck kiwa khlem biang ki kot ki sla nadooh ki Trading License wa kiwi de wei da phah wow liwan biang ki cha ki thaw wa wan ki.
Neiliang u President ka KSU West Jaiñtia Hills District Unit, u Laitphar Syngkrem da ong u wa deiwa wan kini ki kari na baar da knieh ko ya ka laad kamai ki tre chnong deiwa maham leh ya kiwon kiwon ki tre paar moo næ kiwa khayi wa kiwa chalan moo cha Bangladesh wym toh u e yada ki ya baar jylla kiwa wan kamai khlem ki kot ki sla kiwa biang wei lada jia iyi iyi ya kini kiwa na baar daw man i bahkhlieh yong ki.
Neiliang won u General Secretary ka FKJGP West Jaiñtia Hills, u Nangkhraw Rani da beiñ joor u yei wym chimkhia ka JHADC wow kdoh u khoom ya ki Truck baar jylla kiwa kamai khlem ki kot ki sla katkam ka aiñ wa da pynkup bor ya ka Council wow pait yei wan khayi pateiñ da ki baar jylla.
Discussion about this post