Ka Naga People’s Network Forum (NPNF) ha ka kyrwoh khubor wa da pynmih ynne ka sngi da ong wa da beiñ, da dawa wei da maham ko hadien wa chah rahbor ki 6 ngut ki chynrang Naga heiwa ar ngut toh ki Pastor kiwa da chah rahbor ha ka 13 tarik u May 2026.
Ka Forum da pynbaad ko wa yeini da leh da ki jaitbru Kuki kiwa em ha Leilon Vaiphei, Kangpokpi District heiwa da rahbor ki ya 20 ngut ki bru paidbah kiwa man kam ki Naga heiwa 14 ngut toh ki kynthai kiwa da chah yah jar jiar i thaw na ki chynrang kiwa da chah rah cha i thaw wym tip. Da kam ki leh wa kini kiwa rahbor toh kiwa rah da ki wakhu wa kiwi de ki tiar.
Da ong ki leh wa ki kynthai da chah tymmoh ki khmat ki wei da pynbor ya ki wow baam ki da i kynja doh ki wym jooh em maad ki wei ym tip ki leh iyi wa da baam ki. Wei ha ini i por da chah pynyap ki 6 ngut ki chynrang Naga.
Da kdaw ki leh wa manda chem yei metyap ki chynrang toh kiwa dadep chah ah kyngkhot wei da em i bynta i doh i pran ki ki wym pu em chem.
Kamtæ ka Forum da dawa ko wow leh da ka Forensic Investigation yeiwa iyi wa da baam kini ki 14 ngut ki kynthai heipor wa chah rahbor ki.
Da ong wa ki kam ki Naga da pynlait ki ya ki 14 ngut ki Kuki ha ka 9 tarik uni u bnai deiwa e kti ki ha ki pulit ka Senapati wa ki bor District deiwa em i chaniah tangwa ki 6 ngut ki Naga da yap chwa ki.
Hajrong ini da dawa wow kem ya u waheh chong ka Leilon Vaiphei wa waroh ki dkhot ka KNF(P) kiwa da emkti wow rah wei pynyap kamjooh wow ah lyngkhot ya ki 6 ngut.
Da dawa leh wow pynbna ya ka KNF(P) kam ka seiñ Terrorist wei wow pyndam noh ya ka soskular Suspension of Operations (SoO) heiyatoh wa ka KNF(P).
https://www.facebook.com/photo?fbid=122115050247256515&set=pcb.122115050445256515
Discussion about this post