Wai chnat krehkaam ka Jowai Co-Operative Urban Bank ha Ladthadlaboh

Ka Jowai Co-Operative Urban Bank Ltd da ye ko u pynkrai ya ka chnat krehkaam yong ka neibynta u e i chakri cha ki paidbah heiyatoh wa ki kaam poisa poilaiñ nadooh i pynlang poisa, i e ram wa kiwi ki jait chakri deiwa wai ko ya ka chnat ha Ladthadlaboh pyn haka Head Office Building kani hi ka Bank wa em hajan ka Madan Daimasi ha ka 12 tarik uni u bnai.

Ya ka yalang wai ya kani ka chnat da pynlai da u R.L. Syngkon, Branch Manager deiwa emlang nadooh kiwa kreh kani ka Bank, ki dkhot ka Board of Directors, Board of Management wa kiwi.

U B. Phyrngap, Asst. General Manager Jowai Co-Operative Urban Bank hawa klam ong u i ye u wai ya kani ka chnat toh lyngba i kreh chitom nadooh kiwa kreh, ki heh wa ki Board Member heiwa ka RBI leh da e bor ko u pynkrai ya ka chnat krehkaam.

U Junemon Paswet, Junior Co-Operative Officer hapoh ka Assistant Registrar of Co-Operative Societies Jowai, hawa klam, da yaroh u yei em mynsien kreh chitom kiwa kreh wei ong u leh kut ki Meeting kiwa kreh kani ka Bank da pynyoolang bait ki yei buit.

Related posts

Chah pynbaam ki kynthai Naga da i jait doh wym jooh em maad ki, ong ka NPNF hadien wa chah ah lyngkhot ki chynrang wa chah pynyap

June 12, 2026

Beiñ ka Jaintia Revolutionary Council yeiwa phah da u Doctor mrad yow pait yei chait i khiah u Marshall Biam

June 12, 2026

Ong u kamwa kani ka sngi man i jop ka Board wa kiwa kreh, kyntu u leh ya kiwa kreh wow man kiwa sñiawkhian wei wow em i mynsien yarap wei yajan cha ki paidbah.

Neiliang u kongsan, u P. Pariat uwa man leh u Chairman kani ka Bank hawa e yei klam ong u ini man i i sdang yong i nang ku nangroi kani ka Bank, deiwa yooluti u leh wa daw ye chooh u wai cha kiwi won ki thaw ka West Jaiñtia Hills District wa cha kiwi ki District ka jylla.