Yoh kem ka DRI ya 17 Kg i ksiar wa wanrah tooh na baar ri

Ka Directorate of Revenue Intelligence (DRI) da yoh kem ko ya ar dhab ki bru wa khayi tooh yei ksiar na thaaiñ chaneiñ mihsngi ka India, heiwa da yoh hadooh 17 kg i ksiar na baar ri wa chongdor Rs. 25 klur wei da kem ya ki 10 ngut na Kolkata wa Agartala.

Ka Ministry of Finance, da ong ko wa ini da sdang wow ieñ ya ki bru nadooh ka 12 tarik uni u bnai kiwa pynemkaam ya ki lieñsuiñ wa kiwi na baar ri wow wan u lai cha India wa Bangladesh.

Ki sahep ka DRI da kem ki ya ya ki bru wa kit tooh 11.6 kg i ksiar wa kit na Thailand cha Kolkata Airport heiwa da kem ya ki 7 ngut ki bru wa kynthup ya ka kynthai wei ini i ksiar chongdor i Rs. 17 klur.

Related posts

Pynkup burom ka JSU ya ki khon khynroo ka Jaiñtia Hills kiwa poi chakhmat ha ka puræ puthi

June 14, 2026

Mih i Video wa pynyoo yeiwa jia ya ka lieñsuiñ AN-32 ka IAF ha Assam

June 14, 2026

Ha Tripura, ki sahep ka DRI da kem ki hadooh 5.1 kg i ksiar wa chongdor Rs. 8 klur, yeiwa da suba wa wanrah cha Tripura na khappood Indo-Bangladesh. Heiyatoh wa ini da kem ya 3 ngut ha Agartala dei krehlang wa ka Railway Protection Force (RPF).

Ki bor ka DRI da pyntip ki leh wa i takit da lai i chaphrang wow chem ya kiwi wa emkti.