Uwi u nong India uwa 35 snem uwa man u Second Officer na Tamil Nadu, u Nishant Urthanathan, da yap noh u ha ka 11 tarik uni u bnai neidaw wa chitom joor u ha ka jhaad MT Celestial hajan Oman.
I metyap yong oo da neh i hapoh ka jhaad la 3 sngi neidaw wym ye u thooh yei metyap na ka thma ha ka thaaiñ.
Da sdang u wow kjut u chitom ha ka 8 tarik deiwa prai ma prai wei neiliang kiwa em ha ka jhaad da kynjoh ktien ki ya ka US Navy yow khana yeiwa em uwa kjut tangwa ym em jubab ki.
Ha ka 9 tarik da joor i kjut i chitom deiwa sooh kpoh, kjut doh wei da pteiñ wow paan yarap na ka US Navy kawa da pynman ya ka Blockade ha ka Strait of Hormuz yow khang yei lai i wan ki jhaad tangwa ym yoh jubab.
Ha ka 11 tarik heipor heipor kamwa 5:40 i janmiet da khlaad noh u hadien wym ye de u wow baam u dih.
Ka Forward Seamen’s Union of India (FSUI) kawa man ka seiñ wa kreh ha ki jhaad da dawa ko wow wan thooh noh yei metyap u Nishant.
Neiliang ka Indian Embassy ha Oman da ong ko wa ym slem de wa kani ka jhaad daw poi ko ha Duqm Port wei dadep pynkhreh wow chimkti yei metyap.
Da ong ko leh wa da yaklam ko wa kiwa ha-yung u wei daw smat u phah noh yei metyap u cha India.
Discussion about this post