Ki 7 tylli ki seiñ Naga da pyrchah ki ya ka soskular ka sorkar pyrdi, ka sorkar Assam wa Nagaland heiyatoh wa i thooh phñiang na khappood chwa wow pynbait ya u pood.
Ka Assam wa Nagaland ha ka 11 tarik uni u bnai da soi ki ya ka Memorandum of Understanding (MoU) chirup wa ka sorkar pyrdi wow thooh wei pynmih phñiang wa la’ær (Crude Oil and Natural Gas) na ki thaw kajia pood.
Ka Naga National Political Groups (NNPG) da ong ko wa i mantre wa i pynlai ya i phñiang toh u man i katkam ka ‘Agreed Position’ wa soi wa ka sorkar pyrdi ha u 2017.
Ka NNPG toh ka satri ki seiñ wa yaklam wa ka sorkar India heiyatoh wa ki kaam Naga.
Da ong wa i mantre wei i pynlai ya i phñiang nadooh kiwa tih ki bru kamjooh ki mar pohkhyndaw (Mines and Minerals, Fossil Fuel, Petroleum wa Natural Gas), ka Nagaland Tatar Hoho (Parliament House) toh u man ko kawa hakhlieh dooh wow rai wei wow chna aiñ.
Chooh chooh da ong ko wa ki mar wa man Radioactive kiwa ktah yei kaam yada ri toh u pynlai da ka Joint Venture Agreement hapyrdi ka sorkar India wa ka sorkar Nagaland.
Da antaad wa ka Nagaland em ko hadooh 600 million tonnes i phñiang wa ka Natural Gas heiwa da sangeh wow thooh ya ki ha ki snem 1990.
Katkam i kheiñsap ha u 2022 da antaad wa ka Nagaland dooh ko Rs. 1,825 klur man-u-snem neidaw wym krehkaam ki 30 tylli ki Oil Field ha khappood.
Discussion about this post