Ka UK ynne da pynbna ko wow khang yei pynemkaam Social Media da kiwa em hapoh 16 snem wei yeini da pynbna da u Prime Minister, u Keir Starmer wei i khang toh nadooh TikTok, Snapchat, Instagram wa kiwi de.
Ini da leh hadien wa ka Australia ynnin u snem da pynkrehkaam ko yeini i jooh, tangwa ka UK da khang ko wot ya ki Gaming Live-Streams wa ki AI Chatbots. Neiliang ka Department for Science, Innovation and Technology da ong ko wa ini da leh yow im ki khynnah kam ki khynnah.
Chwa wow leh yeini, 90% na ki manbei manpa da kyrchaan ki yeini wei ini ye ko leh wow pynkhyrngiat ya ka pyrthai wow booh kyndon yei pynemkaam Internet hapoh pyrthai.
Yeini daw pynkrehkaam ha u snem 2027 heiwa kiwa boon ki rynsan nadooh ka TikTok, Instagram, Snapchat, Facebook, X wa YouTube toh kiwa da chah khang wow pynemkaam ki khynnah.
Kiwa chah wow pynemkaam toh ki Messaging App kam u WhatsApp wa Signal.
Ha ki Gaming Platform daw khang wow yoh u yaklam ki bru wym tipmit wa kiwa dang khynnah.
Ki AI Chatbot u chah u pynemkaam du kiwa dadap 18 snem donhi.
U Prime Minister da ong u wa sñiawkhia ki yei heh i san ki khynnah wei dadep u yaklam wa ki bei ki pa kamjooh ki bei ki pa ki khynnah kiwa da jia iwa sñiawsih deilang wa ki bru wa chemphang.
Discussion about this post