U kyrtong ka MP Lok Sabha yong ka United Democratic Party, uwa man leh u muktiar, u Vivanstone G Kharngap Kynta da ong u wa ka aiñ tih marpohkhyndaw næ ka Mines and Minerals (Development and Regulation) Act, 1957 toh kawa da pynkrehkaam bakla da ka sorkar jylla nadooh u snem 2016.
Hawa klam ha ka yalang ha Mawngap, da pynbaad u wa ka sorkar Meghalaya da bakla ko nadooh u snem 2016, neibhah nachwa ka MMDR Act ymye ko wow krehkaam ha Ri-loom Khasi-Jaiñtia.
Da ong u wa heipor man Montri u Captain Williamson Sangma, da em ka chithi na u Montri ka sorkar pyrdi wa pait ya ka chnat Energy, kawa da ong ‘Sa chisien u pyntikna wa ka sorkar India ym em thmu ko wow pynthut ya ka dustur wei tynre wa man hok ki jaitbru ri-loom.’
Da ong u wa ka MMDR Act ym krehkaam ko ha Khasi-Jaiñtia neibhah wa ka Meghalaya toh ka jylla ri-loom wei haap ko hapoh ka Sixth Schedule.
Chooh chooh da ong u wa lada ki paidbah jied ki ya oo wow mihkhmat cha Lok Sabha na ka UDP daw leh u yeiwa emkaam khnang wa ki paidbah u yoh biang ki yei hok yong ki, neibhah kamwa man katni em i chah ksih i mantre ya ki mar pohkhyndaw wei wot ka Supreme Court da klam che ko wa ki marpohkhyndaw ha Khasi-Jaiñtia da mantre ya ki da ki tre thaw katwa ka sorkar wanrah ko har pa har ki aiñ wow ksih ya ki tre heiwa da emkaam yei thaw wa heh hadooh 100 Hectare neibynta wow tih mooyong yow yoh laad ki karkhana wa heh na baar ka jylla.
Hajrong ini, u kyrtong ka UDP da ong u leh wa lada yohlaad wow mihkhmat cha Parliament daw pynkhlan bor u ya ki District Council lyngba ka Sixth Schedule wei wow yasaaid wow em uwa bichaar (Judge) ha Supreme Court na Meghalaya.
Discussion about this post