Ka Election MP ye u slem pynman neidaw wa em ka SIR: CEO

Ka Election MP chiteiñ samoi Lok Sabha na Shillong Parliamentary Constituency ye ko wow man hadooh u Naichiphaw (Oct) uni u snem.

Hawa kylli hajrong ini, u Chief Electoral Officer ka chnat Election ka jylla, u Dr. BDR Tiwari, da ong u wa i pynkrehkaam ya ka Special Intensive Revision (SIR), daw kut ko hadooh u Naichiphaw uni u snem kawa kattæ dang lai chaaid chaaid chakhmat.

Related posts

Mynjur ka sorkar u pynkhreh ya ka Small Scale Mining Policy hadien wa yachem wa ka JCOMSWA

June 17, 2026

Daw chna noh ya ka District Library ka Jowai da kawa thymme: Sanbor

June 17, 2026

Hanla u CEO ym klam u deiwa sbak wa lada ka Election chiteiñ samoi daw man ko næ ym man, da ong che u wa ka SIR daw lai bait ko hadooh u October wei ka Election MP chiteiñ samoi leh ye u man wa daw pynman hadooh u Naichiphaw uni u snem.

Ka Election MP chiteiñ samoi na Shillong Parliamentary Constituency da toh u pynman hapoh ynru bnai, iwa mut hadooh u Naisaphra (Aug) katkam ki kyndon hadien wa khlaad noh u Dr. Ricky AJ Syngkon, MP ha u Thohlakhmi (Feb) uni u snem tangwa ka Election Commission of India ye ko wow pynyinsur chadooh u Naichiphaw neidaw wa pynman ya ka SIR hapoh Meghalaya wa ha kiwi ki jylla ka ri.