Ka War Jaiñtia Students Union (WJSU) da thoh ko cha u Executive Engineer ka Jowai Central Division PWD (NH) heiyatoh wow chna pynmiat ya u sarok NH 206 na Dawki cha Amlarem uwa da sih bha.
Ka seiñ da ong ko wa da em chiboon ki thlu ha u sarok khamtam hajan ka Weighbridge, Amjaha RCC Bridge, hajan ka Quarry ha laad Dawki-Tambil wa kiwi ki bynta wa pynthut yei lai ki kari kamai wa ki kari paidbah.
Da ong wa i sih u sarok da ktah i yei chngaaiñ ki paidbah kamjooh hei khayi pateiñ wei khamtam hawa kit ya kiwa em hei chitom wow lai chah sumaar ki.
Chooh chooh da e por ya ka chnat 10 sngi wow chna pynmiat ya ki bynta uni u sarok wei lada ym leh kamtæ ka seiñ daw thooh ko da kiwi ki luti.
Ya ka dorkhat da phah leh cha u Prestone Tynsong uwa man u Montri ka chnat PWD (Roads), cha u Lahkmen Rymbui, MLA ka thaaiñ wa cha kiwi.
Discussion about this post