Ka seiñ Jaiñtia Revolutionary Council (JRC) da lai yachem ko wa u Superintendent Engineer ka MePDCL ha Jowai neidaw joor chah pyndooh bordiñ ka thaaiñ Khonchnong, Iooksi wa Saphai kiwa haap hapoh ka 33Kv Sub-Station Priang wa ka 11Kv Sub-Station.
U SE da pyntip u wa i bordiñ cha kitai ki thaaiñ wan ko na ka Power Station wa em ha Moowakhu wei ki Transmission Lines namo ki sainar bordiñ toh kiwa lai napoh khloo kamwa 33 Km, wei ha kini ki por slap ini da pynman wym biang bordiñ ha kitai ki thaaiñ.
Yow lait na ini i eh, u SE da pyntip u wa da em i tyrwa wow pynlai noh ya ka bordiñ lyngba ka Sub-Station wa em ha Mowkaiaw kawa man ka thaw kawa jan dooh cha kitai ki chnong. Da pyntip leh wa da phah ha u SDO wow pynkhooid ya ki thaw wa lai ki sainar bordiñ na Moowakhu cha Priang khnang wa i saam bordiñ u lai bait chwa ko chipor.
Hajrong ini, ka JRC da ong ko wa daw booddien ko yeini i kaam hadooh wa ki paidbah u yoh ki yei bordiñ wa biang wa skem.
Discussion about this post