Ka FIFA World Cup 2026 da yoh ko wow sakhi yeiwa nyngkong neibynta kiwa na USA heiwa da em le ngut ki kynthai yong ki wa da yoh ki wow man kam kiwa pynlai ya ka yalehke (Officials) wei kini toh ka Tori Penso, ka Brooke Mayo wa ka Kathryn Nesbitt ha ka yalehke ka Group A hapyrdi ka Czechia wa South Africa ha Atlanta Stadium.
Ka Tori Penso (39 snem) da man ko kam ka Referee heiwa da e ko leh le tylli ki Yellow Card katwa ka Brooke Mayo wa ka Kathryn Nesbitt toh ki Assistant Referee.
Ini da man ko leh ka sien wa ar wa em da ki kynthai kiwa pynlai ya ka yalehke World Cup heiwa ka sien wa nyngkong toh ha ka Qatar World Cup ha u 2022.
Ha uni u snem na ki 170 ngut kiwa man kam ki Match Official, du 6 ngut toh ki kynthai heiwa ar ngut toh ki Referee, le ngut ki Assistant Referee wa kawi kam ka VAR Official.
Kini ki le ngut toh kiwa da jooh krehlang ha ka 2023 FIFA Women’s World Cup Final, ka FIFA Club World Cup wa ka Concacaf Nations League.
Ka Tori da man ko leh ka kynthai wa nyngkong dooh wa man Referee ha ka FIFA Women’s World Cup Final ha u 2023.
Ka Kathryn (37 snem) toh kawa da yoh PhD ha ka Chemistry na ka University of Pittsburgh wei kawa kreh kam ka Professor, tangwa da ieh ko yeini yow kreh noh pura kam ka Referee nadooh u snem 2019 heiwa da man ko leh kawi na ki Referee kynthai wa chah jied ha ka World Cup ha Qatar.
Ka Brooke (37 snem) toh kawa da ieh yei kaam sikai wei kam ka Coach yow man noh kam ka Referee heiwa da man ko kam ka Referee ha ka 2023 Women’s World Cup. Da yoh ko leh yei naam U.S. Soccer’s Female Referee of the Year ha u 2025.
Ka Mayo man ko leh kam ka LGBTQ+ heiwa da pyntip pyrthai ko yeini ha u snem 2024.
Discussion about this post