Ki dkhot ka ‘Ride to Serve Shillong’ kawa man ka seiñ ki thuk-thuk wa kamai, da e dorkhat ki ha u Transport Minister, u Sniawbhalang Dhar wow chimkhia yei dawa wa sahteiñ la 3 snem wow e ya ka Permit kamai.
Ha ka dorkhat da ong wa nadooh ka 24 tarik u June 2023, da kyntu ki ya ka sorkar wa ka chnat Transport wow pynbiang ya i rukom krehkaam wow chah ya ki wow kamai khlem krehlang wa kiwi ki Company næ ki rynsaan (Ride-Hailing Apps).
Da ong wa ki Permit daw wailaad ya ki wow im-ja neibhah da ki spah ngut kiwa ye u kamai kamni khamtam ki khynroo.
Hadooh katni ympu yoh jubab na ka sorkar hanla kyrpaad boonsien yei jooh, da ong ka dorkhat.
Ka seiñ da kyntu ko ya u Minister ka Transport Department wa ki District Transport Officer wow sangeh u daiñ kuna wei e chalan ya ki thuk-thuk wa kamai katwa dang sahteiñ ki Permit yong ki.
Da ban joor leh wa ym kwah ki wow lai lait ya ka aiñ wei u bood ya ki kyndon aiñ deiwa em ki thaw Registration wa kiwi de kiwa emkaam.
Discussion about this post