Ka yalehbol Interdong yong ka Mukhla Raij wa pynman da ka Mukhla Raij Sports Club kawa e pyrtuid ka Mukhla Raij Champion League dapoi ko cha wakut ha ka 20 tarik uni u bnai ha madan Len Ladmukhla heiwa da wan wow chimbynta da da 14 tylli ki Team wa Sports Club kiwa em hapoh ka Mukhla Dorbar Pyllun.
Ka Final da pynman hapyrdi ka Mukhla Shohshrieh Sports Club wa ka Mukhla Umlangshor Sports Club wei chwa u poi cha ka yalehke Final da yoh chwa ka yalehke Friendly Match hapyrdi ka Best Friend FC wa ka Mukhla Veteran FC heiwa ka Mukhla Veteran da jop ko ya ka Best Friend FC da 1-0.
Chwa u sdang ka yalehke Final da yoh yei snieñ i kroo na ki waheh wasian wei ya ka yalang da pynlai da u Martu Sari, President Mukhla Raij Sports Club. Da yoh leh ya ki kyntien sneiñ kyntien kroo na u Ebormi Lyngdoh uwa man u General Secretary ka Thadlaskeiñ Sports Association (TSA) deilang na u kongsan, u Ailad Suting.
Ha ka yalehke Final, ka Mukhla Umlangshor FC da jop ko ya ka Mukhla Shohshrieh 2-0.
Ka Mukhla Umlangshor kam ka Champion da yoh ko leh ya ka song poisa wa Rs. 15,000 deilang wa ka Trophy, katwa ka Mukhla Shohshrieh da yoh ko ya ka song poisa wa Rs. 10,000 deilang ka Trophy.
Discussion about this post