U Deputy Chief Minister uwa pat leh ya ka chnat ka PWD (Roads & Buildings), u Prestone Tynsong, ynne da lai pait u yei oor khyndaw hawah Laitlyngkot iwa da jia ha ka 21 tarik iwa da pyntkut yei lai kari ha u sarok Shillong-Dawki.
Ha kani ka sngi da emlang u MLA ka Sohra u Gavin Mylliem, u East Khasi Hills Deputy Commissioner u Abhilash Baranwal, ka Commissioner and Secretary ka Revenue and Disaster Management ka Matsiewdor War Nongbri wa kiwi.
Na Laitlyngkot da lai ki cha Umthli wow pait ya i thaw wa oor na chiliang sarok.
Hadien ini da em ka yalang ha Inspection Bungalow ha Laitlyngkot wow pyrkhat yei kaam heiwa da thooh leh ya u sarok wow lai salan na uni uwa oor.
Hawa yaklam wa kiwa thoh khubor da ong u wa i chna pynmiat ya u sarok daw rap chimpor i heiwa daw em i pynlai kari na uwi u sarok wa lai na karkhana moo u K.L. Lyngkhoi wow poi ha Laitkynsew.
Da phah ya ka PWD wow pynkhreh ya i lut i sep kamjooh ka National Highways & Infrastructure Development Corporation Limited (NHIDCL) wow pynkhreh ya ka poisa.
Discussion about this post