Ha ka 22 tarik uni u bnai, ki dkhot ka Meghalaya Kho Kho Association da yoh ki u lai cha ka Coaching Camp yong kiwa yalehke Kho Kho kawa em ha Kynshi Eastern West Khasi Hills District.
Ha kani ka Coaching Camp da em kamwa 42 ngut kiwa yalehke kiwa da wan wow chimbynta kynthai wa chynrang na kylleiñ ki District ka Meghalaya heiwa daw jied ya 30 ngut ki wow man kam kiwa mihkhmat ya ka Meghalaya ha ka National Games 2027 kawa daw pynman hapoh ka jylla.
Da emlang ha kani ka sngi wa u President ka Meghalaya Kho Kho Association, u Aiban Syiemlieh chirup wa ki dkhot heiwa u President da e khublei kyrpang u ya ka sorkar MDA wa da khreh chitom ko neibynta u pynku u kynrong ya ki khon khynroo khyllood.
Da e khublei u leh ya u Sports Minister, u Wailadmiki Shylla wa lyngba i yarap yong oo da yoh u pynman ya kani ka Coaching Camp heiwa ka sorkar da pynbiang ko nadong chadong nadooh ki thaw leh Training, ka baam ka dih, ka thaw sah, kamjooh ya u Coach uwa wan na baar.
Discussion about this post