Kyrchaan ka MIWC yei dawa pyndam yei tipmit ka JHADC ya ki jaitbru wa chim kur na u pa

Ka seiñ Meghalaya Indigenous Women’s Council (MIWC), da e ko i kyrchaan wa pura heiyatoh wa i rai wa da chim da ka Dorbar Ki Waheh Kur Ri Jaintia yow dawa na ka JHADC wym toh u tipmit ko ya kitæ kiwa e jait cha u pa kiwa em hapoh ka Ri-loom Jaiñtia wei wow pyndam chisiendon yei thoh wa da pynmih da ka Secretary ka EC ka JHADC kat wym pu dep u booh ryntih næ chna aiñ chwa ya ki jait ki kur kawa chim na ka bei.

Ka President yong ka MIWC ka Bythygrace Dkhar da ong ko, “Da tip kyrpang ya i satlak pyrthai wa i toh kiwa chim jait na ka Bei katwa kamtæ ka District Council ymtoh u pynkhlehlang ko ya i wa kitæ kiwa e jait pa”.

Da pynrap ko leh deiwa ong, “I kam ki Pnar namo kiwa e kur cha ka bei da em i dawa i wow pyndooh ST noh ya kitu kiwa e jait pa, kiwa chongkha khleh neibhah da man ko pyrchah yaka riti dustur yong i, wei ka District Council toh u tipmit chwa ko ya i ki tre ri tre muluk wei u chna leh ya ki aiñ ki wow yada kyrpang ya ka ri Jaiñtia wa ya ki jaitbru yong ka, lym kamtæ ka JHADC daw haap maad ko yei yakhih wa khor hakhmat ka yung krehkaam yong ka”.

Puræ leh: Pyndam yei tipmit ya kiwi ki jaitbru | Pynsmat tipmit da ka aiñ ya kiwa chim kur na ka bei | Maham pynman yakhih

Related posts

Yachem u Wailadmiki wa u Montri ka chnat Sports ka sorkar pyrdi yow pyndep smat yei pynkhreh ya ka National Games

October 3, 2026

Da ka Award deilang ka song poisa e ka Dorbar Chnong Tuber Kmaishnong cha ka dong wa lehkhooid

October 3, 2026