Tooh kawi ka bru yei sahchkoor ksiar ka khynnah wa dang 3 snem

Ka khynnah wa dang 3 snem i rta da chah tooh i sahchkoor ksiar ko neiliang tidiang ha ka bru wym tipmit kawa da psiah cha dhari yung.

Ini da jia i ha ka 23 tarik uni u bnai heipor kamwa chi waje duna haroh ha iwi i yung wa em ha Lumchyrmang, Mihmyntdu heiwa ha ini i yung da em du le ngut ki khynnah we iwi toh iwa dang chi snem iwa thiah hapoh yung wei ha dhari da em uwa 7 snem wa ka diah u kawa dang le snem katwa ka bei ki dang lai kreh ko wei da pait ya ki da ka beilood ki kawa em yung pyn ha wah.

Heini i por da wan kawi ka bru kawa rahlang wa u klong um kawa da paan um na u khynnah wa 7 snem uwa da lai chapoh yung yow pyndap um hapoh uni u klong.

Heini i por kani ka bru da e poisa ko cha kani ka khynnah wa dang le snem wei da ah syndon ko yei sahchkoor ksiar ko neiliang tidiang wei yeini da leh ko deiwa smat heiwa kat u mih u khynnah wa e ka um cha ka dadep ko wow leh yei kaam.

Heipor wa jia ini, ka beilood kini ki khynnah dang sait that ko wei manda wan ko da khana kani ka khynnah wa chah tooh ki sahchkoor wei manda pait ya ka poisa wa e ka bru toh da ka kot poisa wa 20 tangka da kawa da jæd.

Related posts

Chah kem ka kynthai wa u chynrang heipor wa dang kylliang kti yei drugs ha Shillong

June 23, 2026

Chah dung u President ka KSU Ranikor | Mih pyrtuid ki ar ngut ha ka FIR

June 20, 2026

Ki bru wa em cha jan yung da ong ki wa yoo hi ki ya ka bru wym tipmit kawa lai wut-wtu kawa kieñ muna rong yong wa rahlang wa ka satri wei man ko kawa da heh bru.

Neiliang ka bei kani ka khynnah da kyntu ko ya kiwon kiwon wa lada em kiwa tyrwa dai ya ini i sahchkoor ksiar wow sñiawbha ki wow pyntip cha ka deiwa Phone ha ini i Number-6009661403 wei daw e nong ya ki.