Chem biang u tre ya ka thuk-thuk wa chah tooh kawa pyndait GPS

Uwi u bru uwa chong chnong ka Mawprem Lumkshaid, Shillong da chem u ya ka thuk-thuk u kawa chah tooh kawa chah murieh hapoh iwi i khloo ha thaaiñ Pynursla wa em ha rood sarok deiwa hap lai luti rap chapoh na u sarok moo.

Kani ka thuk-thuk toh kawa da pyndait GPS kawa em Number ML-05AG-1394, wei deiwa bood ya ka GPS da chem yei thaw wa em ko heiwa da lai booh FIR leh ha Lumdiengjri Police Station heipor 8:00 waje i step mar ya chem wa da wiar ko.

Neiliang u tre ka thuk-thuk da ong u wa neidaw wa slem ware ki pulit, da lai hi u cha Pynursla wei deiwa yarap ki dkhot ka FKJGP da lai cha i thaw wa pynyoo ka GPS heiwon em ka thuk thuk wei dapoi ki heini i thaw heipor kamwa 5:00 waje i janmiet.

Manda poi hei thaw wa rap jan wa em ka thuk-thuk, da em kawi ka sarok khian kawa lai chapoh khloo wei hawa bood ya kani wei da chem ya ka thuk-thuk kawa da tymmoh bha dei miat da ki phlang.

Related posts

International Youth Day: Pynkup burom ya kiwa East Jaiñtia kiwa mihkhmat ya ka jylla cha baar ri

August 12, 2026

Sdang pynemkaam ka India Post da ki Drone ha Assam

August 12, 2026

Neiliang u tre, u T. Lyngkhoi da ong u wa ini i thaw wa chem ya ka thuk-thuk ym em jngai i na Pynursla tangwa ki pulit ka Pynursla da chimpor ki wow poi cha kani ka thaw.

Kani ka thuk-thuk toh kawa da chah tooh pyn napoh pchem yung u tre ko hei step ka 23 tarik.