Ynne i step ki damok wym ye u tipmit da lai ki wow leh pynsih ya ka kari u Pastor ka Balang Presbyterian Mawkhar, u Rev. Mcdonald Pyngrope kawa booh ha pchem yung u ha Mission Compound deiwa khloh ki ya ka yit wei kynreh ki naphang ya ka kari.
Katkam wa da pyntip, kini ki bru da leh ki yeini i kaam heipor kamwa 3-4 waje ynne i step heiwa da khloh ki ya ka yit kawa nadien yow yoh u psiah hapoh kari yow kynreh wei da yoo lakam wa thooh ki ya iyi ræ iyi wa emkaam ki.
Kani toh ka sien wa ar wa ka kari u Rev. Macdonald Pyngrope da chah leh pynsih ko hapoh chibnai, heiwa nyngkong da jia ha ka 25 tarik u bnai wa dep katwa u Pastor dang pynyieñ u ya ka kali harood ka Wahumkhrah ha ka thaaiñ Lawmali Pyllun heiwa da em ki damok wa wan yow tympiah ya ka yit wei leh pynsih ya ka dwar.
U Pastor Macdonald to uwa da pynmih pyrthai yei pynemkaam bakla ya ka poisa yong ka Balang, wei ha ini i chah tba ka kari u hei sien wa ar da suba wa toh i thmu wow tooh ya ki kot ki sla wa emkaam wa da ujor hajrong itai i kaam poisa.
Neiliang ka Dorbar Chnong Mission Compound da chimkhia ko yeini wa jia wei ki bor chnong da pynkhreh ki wow ujor FIR ha ki pulit.
Puræ leh: Chah tympiah chah leh pynsih ka kari u Pastor hadien wa mih pyrthai i pynemkaam bakla ya ka poisa
Discussion about this post