Ka Jaiñtia Coal Miners and Dealer Association (JCMDA) da sñiawkmen ko wa ka sorkar jylla da chimkhia ko ya ki kaam wa yatoh wa i tih mooyong ha East Jaiñtia Hills dei yooluti wa i kaam u lai i chaphrang khang wow yoh ya u soh wa thiang.
Hawa yaklam wa kiwa thoh khubor, u Advisor ka JCMDA, u Dr. P. Nongtdu da e khublei u ya u Chief Minister, u Conrad Sangma wa u Deputy Chief Minister, u Sniawbhalang Dhar wa da chimkhia ki ya ini i kaam tih mooyong hapoh ka jylla neibhah wa da yachem wa ki dang ha ka 22 tarik uni u bnai neibynta i kaam pynlait mooyong deiwa e khublei leh ya ki ar ngut ki MLA na East Jaiñtia Hills hajrong ini.
Chooh chooh da ong u wa ynne hapoh ka JHADC hapoh i yahkhmat u CEM, u Thombor Shiwat da pdiang ya ka Resolution wow kyrpaad ya ka President ka ri wow pynlait wei pynyinsur ya ki aiñ tih mooyong hapoh ka jylla.
U Nongtdu da ong u wa i krehlang ki MDC ka Liang Pyrchah wa ki Liang Synchaar pynyoo ko yei mynsien wow pynkhai-im biang yei kaam tih mooyong hapoh ka jylla deiwa kitbok wei kular wow krehlang wa ki neipor cheipor.
Discussion about this post