Sdang ka Mid-Term Break yong ki skur ka West Jaiñtia Hills

Ka sorkar Meghalaya da pynbna ko ya ka chuti namo ka Mid-Term Break ya ki skur ha ka jylla waroh kawi da sdang ko nadooh ynne ka 1 tarik u July hadien wa pyndep ya ka Mid-Term Examination ha ka 30 tarik u June.

Katkam ka hukum ka Education Department wa pynmih ha ka 30 tarik u June, ka chuti u sdang ko nadooh 1 tarik u July wei ki Class u sdang biang ki nadooh ka 6 tari u July hi.

Related posts

Kyntu ka JYF ya u Conrad wow sdang ya ka OTS neibynta ki kari samen

July 1, 2026

Sdang kdoh lama yong ki kari 108 Ambulance | Dawa ki wow chimkti noh da ka sorkar

July 1, 2026

Ini toh da leh deiwa bood ya ka hukum ka Department wa pynmih ha ka 10 tarik u December 2025, heiwa da ong wa ki skur toh u pyndep ki ya ki Mid-Term Examination hapoh i por wa da booh.

Neiliang ka District School Education Officer ka West Jaiñtia Hills da phah ko ya ka chithi cha waroh ki skur wow bood ya kani ka hukum wow e chuti ha ka tayaaw wa nyngkong u July wei neidaw wa daw em ka Behdieñkhlam ka Raij Jowai kawa daw kut ha ka 9 tarik, kamtæ da phah wow pteiñ ya ka chuti hadien ka 6 tarik leh.