Ka sorkar pyrdi da e jubab ko hapoh ka Supreme Court ynnin ka sngi wa i khleh 20% i Ethanol wa i Petrol toh kawa man kam ka Experiment kawa dang pteiñ wei manda poi u snem 2027 daw tip che kamoon krehkaam ini waroh.
Tangwa hadien wa mih khubor kamni, neiliang ka Ministry of Law and Justice da pynche ko wa ha iwon iwon i bynta ym em e dei thoh wa ini wa leh man ko kam ka Experiment donhi.
Ini waroh da jia i hadien wa da sdang ki bru wow yaklam heiyatoh wa i chah ktah ki kari deiwa khleh yei Ethanol wa i Petrol heiwa neiliang ka sorkar leh da pynche ko wym em chah ktah ki kari heiwa yeini da leh kamjooh ha kiwi ki ri.
Tangwa ha ki Social Media da pteiñ ki bru wow pynchit deiwa kam wa da sih ka kari ki neiwa thap dei phñiang wa em Ethanol.
Ka Supreme Court da chong bichaar ko ya ka mukotduma wa da yaleh da ka Bharat Petroleum Corporation Limited (BPCL) kawa da yakhun pyrchah ya ka hukum ka Karnataka High Court heiyatoh wa i bhah Ethanol wa toh u e neibynta u snem 2025-26.
Ha ka 23 tarik u bnai wa dep, ka High Court da phah ko ya ki Oil Marketing Companies (OMCs)-BPCL, Hindustan Petroleum Corporation Limited wa ka Indian Oil Corporation wow pyrkhat ki yeiwa kyrpaad kawi ka Distillery wow pynboon yei bhah Ethanol chwa wow pynkhreh ya ka Tender.
Ka BPCL da ong ko wa ini yei wow ktah ya ka thong ka sorkar wow poi 20% i Ethanol ha i Petrol.
U muktiar ka sorkar pyrdi, u Attorney General R Venkataramani da ong u wa dadep wow yabhah yei Ethanol ha u October 2025, ki Supply Contract i Ethanol leh toh kiwa da pyndep wei lada wai biang u khut deiwi daw ktah ko yei rukom yabhah ha waroh kawi ka ri.
Da ong u leh wa ka sorkar dang Experiment ko ya kani ka 20% Ethanol Blending Programme wei daw tip ya ka Result ha u snem wow wan.
U Venkataramani da yasaaid u wa lada pynkylla yei bhah uwi u Supplier daw pynman ya kiwi leh ki Supplier wow dawa ki u pynkylla iwa daw pynthut lut yei kaam neibhah daw boon kiwa yaleh mukotduma.
Discussion about this post