Hadien wa yachem u Montri Rangbah ka Meghalaya deilang ka MLA ka Suntga Saipung, ka Santa Mary Shylla wa u Montri ka sorkar pyrdi uwa pait ya ki kaam tih mooyong, u G. Kishan Reddy ha New Delhi ynnin ka sngi, da mynjur u wow chna da ka Committee wow pait yei dawa heiyatoh wa u mooyong hapoh Meghalaya.
Kam wow pynkynmoo wa u Conrad da ong u wa heiyatoh wa ki Mining Plan toh u e bor noh ha ka sorkar jylla wow pait wei e bor, neitæ wow pynlait leh na ka 2021 Standard Operating Procedure wa da booh kyndon ka Coal Ministry wa emkaam 100 Hectare i thaw yow tih mooyong.
Ya kani ka Committee daw chna noh ka ym slem de yow pait lada ye u leh waroh ini wa da dawa katkam ki aiñ ka ri wa ka riti synchaar wei lada ye daw yarap ko ya kiwa khih mooyong kiwa khian wa nai hapoh Meghalaya.
Ini mut i leh wow tih mooyong da kawa man Scientific, deiwa pait ya ki aiñ yada rymaw, i chngaaiñ kiwa kreh yow lait biang u jia kam nachwa.
Kani ka Committee hadien wa leh ko yei kaam daw pyntip won ko cha ka sorkar pyrdi yeiwa da chem ko.
Discussion about this post