Ka sorkar jylla da pyrkhat ko wow pynkhor yei chalan tooh ya ki masi ha khappood India-Bangladesh deiwa booh ya ki Task Force ha ki District hei wow em ki Check Posts ha ki thaw wa synjor kamjooh ki Standard Operating Procedure (SOP) heiyatoh wa ini.
Ya ini i rai da chim hadien ka yalang hapyrdi ka Animal Husbandry and Veterinary Department wa ka Border Security Force (BSF) wa yahkhmat da u IG BSF Meghalaya Frontier.
U Minister ka Animal Husbandry and Veterinary, u Sanbor Shullai da ong u wa ha ka yalang da klam thij heiyatoh wa ki san tylli ki mat wa da booh hawa chimkti ya ki masi wa chah kem dei krehlang wa ki BSF, Police wa ka Veterinary Department.
Da yooluti u ya ki BSF leh u pynjoor ki yei sonteri dei krehlang ki pulit wa ki Magistrate ha khappood.
U Sanbor da ong u wa u pood u wym pu em kær naar chieh toh 27 km wa dang sah ha Khasi wa Jaintia Hills wei kamwa 7 km ha Garo Hills.
Katkam ka SOP, ka Task Force u khlieh ya ka da ki Block Development Officer (BDO) chirup ki pulit wa ki bru na Veterinary. Tangwa ki BSF da em iwa kwah ki wow pynkylla ha kani ka SOP, kamtæ da e por 13 sngi wow e ya ka bui (Report) wa bniah heiwa daw chong biang ya ka yalang wow rai khaddooh yei kaam.
Ki heh ka BSF da ong ki wa ha kini ki snem wa da lai da duna bha kiwa chalan tooh ya ki masi deiwa pynjoor yei kdong ya kiwa leh yeini i kaam. Tangwa boon ki masi wa kem em ki por yap noh ki nei wym yoh baam u e ya ki kamjooh wym biang ki thaw booh ki hadooh wa em ki por hap lai thooh baam da ki BSF wei da phah sumaar ki ha kiwa chong chnong.
Discussion about this post