Hukum wei maisih u muktiar ya ki Judge ka Supreme Court

Ha iwi i jia wym poi pyrkhat ha Supreme Court ha ka 10 tarik uni u bnai, uwi u muktiar da hukum u ya ki Judge wow Register ya ka FIR pyrchah ya u sahep pulit ka Lucknow.

Uni u muktiar wa tip kam u Prabal Pratap, da yieñ u hakhmat ka miej bichaar u Justice KV Vishwanath wa u Justice Alok Aradhe deiwa ong kam ki chakri hei kaam bichaar (Judicial Servant) toh u Register ki ya ka FIR. 

Da ong u wa ya kani ka FIR toh u Register pyrchah ya u ACP ka Vikas Nagar Lucknow wei ini i Video da poor bha i ha social media.

U Justice Vishwanath dei khyrngiat da kylli u “Me wa e hukum ya i?”.

Related posts

Da yut u khynroo Mizo na Shillong | Wan kawi ka kynthai wow booh FIR

July 11, 2026

Yaroh ka FIFA yei chongchit i pait World Cup ha Shillong

July 11, 2026

Hawa pynkut yei klam uni u muktiar da kawang  u ya ki kot ki sla wa da pynkhreh u cha suiñ wei heini i por da chah ksoh u heiwa da maisih u da ki kyntien wa sih wa sang ya ki Judge deiwa ong leh e ya kini ki kot ha u CJI (Chief Justice of India).

Hadien ini neiliang ki Judge da pyntip ki wa ym leh ki iwon iwon wow pynchitom ya u muktiar wei da chimkhia ki wow pait ya ka mukotduma wa yaleh u heiwa da chem ki wym emkaam u tuklar ki ya ka hukum wa dadep pynmih chwa.