Hukum wei maisih u muktiar ya ki Judge ka Supreme Court

Ha iwi i jia wym poi pyrkhat ha Supreme Court ha ka 10 tarik uni u bnai, uwi u muktiar da hukum u ya ki Judge wow Register ya ka FIR pyrchah ya u sahep pulit ka Lucknow.

Uni u muktiar wa tip kam u Prabal Pratap, da yieñ u hakhmat ka miej bichaar u Justice KV Vishwanath wa u Justice Alok Aradhe deiwa ong kam ki chakri hei kaam bichaar (Judicial Servant) toh u Register ki ya ka FIR. 

Da ong u wa ya kani ka FIR toh u Register pyrchah ya u ACP ka Vikas Nagar Lucknow wei ini i Video da poor bha i ha social media.

U Justice Vishwanath dei khyrngiat da kylli u “Me wa e hukum ya i?”.

Related posts

E khublei u Conrad ya waroh ki MLA wa kyrchaan ya ka Resolution pyrchah tih Uranium 

August 26, 2026

Daw pynman ya ka Khelo India Samvaad ha East wa West Jaiñtia Hills District ha ka National Sports Day

August 26, 2026

Hawa pynkut yei klam uni u muktiar da kawang  u ya ki kot ki sla wa da pynkhreh u cha suiñ wei heini i por da chah ksoh u heiwa da maisih u da ki kyntien wa sih wa sang ya ki Judge deiwa ong leh e ya kini ki kot ha u CJI (Chief Justice of India).

Hadien ini neiliang ki Judge da pyntip ki wa ym leh ki iwon iwon wow pynchitom ya u muktiar wei da chimkhia ki wow pait ya ka mukotduma wa yaleh u heiwa da chem ki wym emkaam u tuklar ki ya ka hukum wa dadep pynmih chwa.