U Transport Minister wa dang thymme ka Karnataka, u Byarthi Suresh da lai u wow chong ya ki Bus paidbah wa pynlai da ka Metropolitan Transport Corporation (BMTC) ka Bengaluru yow chem kammon hap maad ki bru heiwa da chah pynhiar u napoh ka Bus ha uwi u Conductor u wym tipmit ya oo neidaw wa sap u da ka Face Mask.
Kani ka Bus wa chong u toh kawa lai na Hebbal cha Nagashettihalli hei miet ka 11 tarik wei manda wan u Conductor, neiliang u Minister da paan u ar tylli ki Ticket wei da su u da ka kot chi spah.
U Conductor da ong u wym em khutia u wei hap u wow e thij Rs. 12 heiwa da pynyoo u leh yei wym em khutia u, kamtæ da phah u ya u Minister wow hiar manda sangeh ka Bus lada ym ye u wow e thij ka bai Bus.
U Minister dei wym kwah wow khana oo toh u uyi, da hiar u khlem da yania wei hadien wa tip yeini wa jia, neiliang ka BMTC da pynman ko yei takit yow pyrkhat yeini i rukom leh uni u Conductor.
U Minister da lai luti u leh da kiwa boon ki Bus nadooh 7:10 PM hadooh 9:10 PM, heiwa da lai u cha kiwa boon ki thaw ka Bengaluru wa kynthup ya ka Jayamahal, TV Tower, RT Nagar, CBI Road, Hebbal, Manyata Tech Park, Nagawara, Hennur, Hennur Bande, Byrathi Bande wa Geddalahalli yow tip kammon pynkrehkaam ya ki wei kamjooh i akor kiwa pynlai ya ki Bus.
Katkam wa pyntip ka BMTC, neiliang u Minister da yoo u wa uwi uwa yah Bus da lai u khlem sangeh ha ka Fun World Bus Stop hanla em bru wa kaweh kti yow sangeh. Kamtæ u Minister da phah u wow Suspend ya uni uwa yah Bus uwa tip kam u Mustaq deilang u Conductor uwa tip kam u Dayanand neidaw wym em sangeh ki hei thaw wa toh u sangeh ki.
U Conductor da yasaaid u wa ini i thaw wa em u bru wa yieñ yow pynsangeh ymtoh i thaw wa da booh wow sangeh ka Bus.
U Minister da chong u leh ya ka Autorickshaw na Nagashettihalli heiwa u Meter pynyoo u Rs.30 tangwa uwa yah won da paan u Rs.36 wei hawa kylli da jubab u wa ym em bha miat u Meter wei daw hap pynchna oo. Kamtæ u Minister da su u Rs. 40 neidaw wym em khutia.
Discussion about this post