Da ka Roller yooh u Himanta ya ki drugs wa da yoh kem wa chongdor da ki spah klur tangka

Ka sorkar Assam kam chibynta i yakhun pyrchah yei drugs da pynman ko ya ka Drug Disposal Programme ha 4th Assam Police Battalion, Daulasal, Nalbari District ynne ka sngi.

Ya ka yalang da khlieh da u Chief Minister, u Himanta Biswa Sarma hei emlang u Director General of Police (DGP) ka Assam, heiwa da yooh da pynsih i durgs wa chongdor hadooh Rs. 472.51 klur.

U Himanta da yah u da kawi ka Roller yow yooh ya ki klong wa da pynyieñ ha khyndaw kiwa em ki dawai pynmuaid.

Kini ki drugs kynthup ki ya i Morphine, Heroin, Yaba Tablet, Cocaine wa kiwi ya kiwa daw thang ha ki 10 sngi.

Related posts

Mih leh i pyrtuid ka Nongtalang, Nangbah wa ka Cham Cham ha ka Kayakalp Awards neibynta ki thaw sumaar

September 14, 2026

Yoh ka JNC ar tylli ki jubab kiwa phær yei jooh iwa kylli heiyatoh wa Shree Cement    

September 14, 2026

Ya ki drugs daw thang da ka Incinerator wa e ka Union Home Ministry kam chibynta i yakhun drugs ha ka thaaiñ mihsngi.

U Himanta da pyntip u wa ha ki san snem da yoh wow kem palat Rs. 3,000 klur i drugs deilang wa 26,000 ngut kiwa emkti kiwa da chah pynngat hapoh ka aiñ NDPS Act.