Dang yang ya ka Report na ka NEIGRIHMS heiyatoh wa i chah pynbaad u Nurse wa leh khlem akor ya ka khynnah: Wailadmiki  

U Health Minister ka jylla, u Wailadmiki Shylla da pyntip u wa ka sorkar dang yang ko ya ka Report na ka NEIGRIHMS heiyatoh i chah tba khlem akor ka khynnah khian ha uwi u Nurse kani ka thaw sumaar.

U Wailad da ong u wa manda yoh ya ka Report daw leh yeiwa emkaam.

Ha iwi won i liang, u Health Minister da ong u wa ka sorkar jylla daw phah bru ko cha Delhi yow ban wow tipmit ya ka North Eastern Indira Gandhi Regional Institute of Health & Medical Sciences (NEIGRIHMS) kam ka Institute of National Importance (INI).

Da ong u wa da yaklam u hajrong ini wa u Union Health Minister heipor wa wan u cha Shillong neibynta ka yalang Parliamentary Committee.

Neiliang u Union Minister da kular u wow chimkhia yeini wei neiliang ka sorkar leh da pynkhreh ko ya ki kot ki sla wa emkaam. 

Related posts

Mih i tieñ em Bomb ha Khyndailad, Shillong hadien wa chem ya ka muna wa em wa ieh

July 15, 2026

Pynbna ka CJP yei chah thngan ha waroh ka ri | Hiar i khia u Sonam da 8.4 kilo

July 15, 2026

U Wailadmiki da ong u wa da yaklam u wa u Chief Minister, u Conrad K Sangma hajrong ini i bynta wei u Conrad leh da kular u wow booddien yeini.

I tipmit ya ki thaw kam ki INI toh i kyrdan wa rap khroo heiwa ka NEIGRIHMS daw ye ko wow chimrai dei mon wa laitlooid yong ka hi.

Puræ leh: Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid