Ki ar tylli ki seiñ kiwa da pynman yakhih ynnin deiwa wan toor cha ka JHADC hadooh wa kheiñ ar tylli ki Gate ka Council heiwa da e FIR leh pyrchah ya ki, da ong ki wym em tieñ ya ka FIR wei ym ye ko leh wow pyntlot yei yakhih.
Neiliang u President ka JNC, u Sambormi Lyngdoh da e jubab u leh yeiwa ong u CEM ka JHADC wym em yoh bor kini ki ar seiñ wow pynman yakhih tangwa ki dadep ki wow paan bor na u DC wow pynman yei lai paidbah tangwa ym em yoh jubab ki wei ha ka synchaar paidbah waroh em hok ki wow pynman yei khiah deiwa jai-jai.
Da ong leh wa kani ka yakhih ymtoh ka sien wa nyngkong heiyatoh wa ka Shree Cement heiwa ka yakhih dadep wow pynman hadooh ha Shillong leh neibynta i hok kiwa chong chnong ka Elaka Nongkhlieh neidaw da chim yabor yei thaw yong ki da u Dolloi khlem da tip ki wei khlem da yohbor.
Nyngkong da ong wa yow tih moochuni da emkaam 217 Hectare tangwa kat u pynbna paidbah da ku cha 652 Hectare.
Kamtæ da ong wa ki kaam yaknieh thaw toh kiwa dang haap hapoh i pait i yoo ka Council wei kopsar u CEM ym em sñiawthooh u yei daw wa da pynman yei yakhih.
Neiliang won u President ka JSU, u Jersom Shylla da beiñ u yeiwa ong u CEM wa chah maham næ pyntieñ ya kiwa kreh neibhah ki ym em da wan ki deiwa rah ki tiar pynmynsoo tangwa yow pynman yei yakhih deiwa jai-jai yow pynsñiaw yeiwa ood wa naam ki paaid ka Elaka Nongkhlieh.
Da e por hadooh ka 20 tarik uni u bnai ya u CEM wow pynkrehkaam u yei dawa lym kamtæ daw pynjoor yei yakhih yow dawa hiar chuki noh u.
Puræ leh: I yakhih da pynwit wei pyntieñ i ya kiwa kreh ka JHADC | Da ujor da ka FIR
Discussion about this post