Ynne i step heipor kamwa 7:30, da pyntip cha ki pulit wa da yoh kem kiwa chong chnong ya uwa suba dung yap pyn ya ka diah u heiwa da kem ya oo ha chnong Rohbah wei da lai yah ya oo cha Dorbar Hall ka chnong Pyndenumsaw.
Hadien wa tip yeini, ki pulit ka Women PS deilang wa kiwi de ki pulit da lai ki cha chnong Pyndenumsaw wei da chimkti ki ya uni u bru deiwa lai yah leh cha ka Mawkyrwat Civil Hospital yow pyndep ya ka Medical Examination heiwa da phla u leh hakhmat u Doctor yeiwa leh u.
Ha ki that ki nep wa sap u leh da chem toh kiwa bi snaam wei da chim ki kam ki sabut.
Hadien wa leh ya ka Medical Examination, da yah ya uni u bru wa tip kam u Bailing Wahlang (62 snem) cha Mawkyrwat Women Police Station, heiwa da kem noh ya oo heiyatoh wa i kaam pynyap ya ka diah u, ka Snity Wahlang (56 snem) iwa da jia ynnin ka 14 tarik ha chnong Pynenumsaw.
Hawa takit ki pulit, u Bailing da phla u yeiwa emkti wei da bien u leh wow lai yah chei thaw wa murieh ya ka tiar wa pynemkaam wow pynyap.
Ya uni u bru da lai yah oo hakhmat u Chief Judicial Magistrate deiwa paan bor wow kset ha kti ki pulit chi sngi neibhah emkaam wow pynyoo u kammon jia wei da leh yei kaam pynyap kamjooh yow lai yah chei thaw wa noh yei tiar wa pynemkaam deilang wow tip yei daw wa jia ini waroh.
Puræ leh: Yap ka manbei neiwa suba wa chah dung pyn ha u payu uwa dang thooh ki pulit
Discussion about this post