Phah ka Consumer Court ya ka Maruti wow e da ka kari thymme ya uwa ujor wa sih ka kari neiwa pynemkaam yei phñiang E20

Ka District Consumer Disputes Redressal Commission (DCDRC) ka Raipur, Chhattisgarh da hukum ko ya ka Maruti Suzuki wow e da kawa thymme ka kari Grand Vitara kawa em ya ka Engine kawa hoi u pynemkaam yei phñiang E20, hadien wa uni u bru da kam u wa sih ka kari deiwa pynemkaam da ini i phñiang wa khleh Ethanol wa i Petrol.

Ya kani ka hukum da pynmih ha ka 14 tarik uni u bani da ka DCDRC lyngba u President ko, u Prashant Kundu wa u Dr. Anand A Varghese hadien wa booh ujor u Dr. Premraj Devangan pyrchah ya ka Maruti wa ka Authorised Dealer ka NEXA Magneto.

Ka Commission da hukum ko ya ka Maruti wa ka Dealer wow e da ka kari thymme ya u Dr. Devangan kawa man da ka Grand Vitara hi da ka jooh ka Model wei kawa em ya ka Engine wa hoi u pynemkaam yei phñiang E20 hapoh 45 sngi nadooh wa pynmih ya ka hukum.

Lada ym leh yeini hap ki wow su yei dor ka kari kawa ₹18.29 lak wa da su da uwa ujor ha ka u snem 2023, chirup ka bai RTO kawa ₹1,86,850 deilang ka Insurance Premium kawa ₹34,644 iwa mut waroh dapoi ₹20,50,494.

Da phah leh wow su ₹1 lak cha uwa ujor neidaw wa chah pynchitom u neidaw wa sih ka kari deilang ka bai yaleh mukotduma kawa ₹10,000 wei yeini leh hap u su hapoh 45 sngi nadooh wa pynmih ya ka hukum.

Neiliang u Dr. Devangan ha ka ujor da ong u wa da thied u ya kani ka kari Maruti Grand Vitara IE Strong Hybrid Zeta Plus ha u snem 2023, wei hadien da pyndik ko neidaw wym em hoi u pynemkaam yei phñiang E20.

Kamwa man kattæ kiwa chna kari da pynmih ki ya ki kari wa hoi u pynemkam yei E20 nadooh u snem 2023 wei uwa ujor da ong u wa da hap u wow Drain yei phñiang, u pynkhooid ya ka Tanky wei kattæ leh dang sih ka kari.

Related posts

Khang ka Tamil Nadu wow rah Mobile chapoh Mandir neidaw wa joor i chna Reel wei chondur  

September 1, 2026

Rai ki muktiar ka Meghalaya wow sangeh u lai kreh cha ki yung bichaar

August 31, 2026

Ka Consumer Court ha ka hukum da ong ko wa uni u tre kari hap u wow lai booh dei langær ya ka kari cha ka Maruti Service Centre yow pynchna ka neidaw wa sih ko wei da e daw wa ini toh neidaw i phñiang wa pynemkaam.

Hawa lai yaklam u wa ka Maruti deilang ka Dealer ym em bien ki wow e da kawi won ka kari iwa pynbor ya oo wow lai cha ka Consumer Commission kawa da mynjur wa em hok u wow yoh da ka kari wa thymme.