U President ka Federation of Khasi Jaiñtia and Garo People (FKJGP), u Dundee C Khongsit hawa klam hajrong ka Public Hearing yong ka Shree Cement Limited, da ong u wa ki tre karkhana pynmih khyndaw-bilat pynyang ki da ki tre chnong yow pynman kam kiwa yada ya ki ha ka Public Hearing kawa dadep. Da ong u wa ha ki Public Hearing toh u e laad ya kiwa pyrchah leh wow pynsñiaw ki.
Da ong u wa ki thaw wa em ki karkhana pynmih khyndaw-bilat kattu daw kylla ki man ki kam ki chnong yong ki snayap manda kut i yoh nong ki Company kiwa em kattæ ha East Jaiñtia Hills, wei ym em de iyi iyi de wa ye u leh.
Uni uwa yahkhmat ka FKJGP da pynsñiaw u yei sñiawkhia wa kiwa boon ki paidbah da chah pynbiej ki ha ka spah, neibhah hei yong sakhiat i em ki karkhana pynmih khyndaw-bilat ym wanrah ko iyi iyi i yoh nong ya kiwa chong chnong, neibhah wot i dor yong i khyndaw-bilat leh dang duna dor ha Guwahati, heiwa da pynbaad u leh wa ini toh i wym em chikhia ka sorkar.
Da ong u leh wa ha i yoh kaam ki tre chnong leh ym em yoh nong, neibhah ka rukom thung kreh da ki Company ymtoh katkam ki kyndon tangwa deiwa khñion beiñ ya ki tre chnong hadooh wym ye de ki u chah wei daw e kreh ki cha ki bru wa wanrah hi ki.
U Dundee da khana u leh wa ka seiñ da phah ko ya ki dkhot wow thooh bniah hajrong i pynbaad wa em ki bru wa pynbor wei knieh yabor yei thaw yong kiwa rep kiwa pyrchah ya ka Shree Cement. Da ong u wa hadien wa yoh yei tip wa tikna ka seiñ daw hiar ko cha katai ka thaw ryngkat ki pulit wa ki laad pathai khubor.
Discussion about this post