Neiliang uwa e ktien ka BJP Meghalaya, u Arnab Das da pynche u yeiwa mih khubor chaphang u Youth President ka BJP Meghalaya deiwa ong wym em kyrchaan næ mynjur yeiwa da pynpoor ha ki Social Media kamjooh yeiwa mih khubor deiwa ong toh iwa thok donhi waroh.
Da pyntip u wa da paan pynche ki na u Mewaker Lyngdoh Pakma uwa man kam u Youth President ka BJP Meghalaya uwa da kyntait wa ong u kamwa da mih khubor.
Da ong wa lada em kiwa chim sabut na ki Social Media hap ki wow lai pynsakhiat yeini wei ha ki por wa nachwa boon chah Hack ki Account ki bru nadooh ki bru wa yahkhmat ya ki ri.
Ka Party da kyntait ko wa em ki wow pynemkaam kam kitu ki jait kyntien wym em yei bahkhlieh neibhah ka Party ka em ko ki laad wow pynmih khubor.
Da ong leh wa ka BJP Meghalaya burom ko yei hok ki bru wow pynman yakhih ha Jantar Mantar Delhi tangwa kyntait ko ya kitu kiwa wan wow chim kabu yow yoh yaroh ki Party.
Ka BJP Meghalaya da beiñ ko leh yei chah thombor ki pulit ha ki khynroo deiwa kyntu ya ki wow pynneh yei suk i saaiñ wei wym toh u e laad ya ki Party wa em ha ka Liang Pyrchah wow chim kabu ki wow pynchit chooh chooh.
Da beiñ leh ya ka Congress wa pyrchang ko u psiah chei thaw sah u Prime Minister neibhah wa ini man ko kam ka dak wow maham ya uwa yahkhmat ya ka ri.
Ka BJP da ong ko wa kini ki Party wa em ha ka Liang Pyrchah kam ka APP wa ka Congress da yaknieh ki wow kam noh ka cha ki ya kani ka yakhih. Tangwa ka BJP ym em kwah ko wow jia iwon iwon i mynsoo mynsnaam wei kwah ko wow neh i suk i saaiñ.
U Prime Minister Modi dadep pynche u wa da em 13 ngut kiwa da chah kem heiyatoh wa ka NEET Paper Leak wei ka sorkar pyrdi leh da leh smat ko yow wanrah yei kylla wei kam ka ri toh u man kiwa yaichah hawa em i eh i khoo wa hap u pynbait.
Puræ leh: Chah beiñ u Youth President ka BJP Meghalaya hadien wa ong u toh u siat ya kiwa pynman yakhih
Discussion about this post