U Youth President ka BJP Meghalaya, u Mewanker Lyngdoh Pakma da chah beiñ u hadien wa booh u cha ki Social Media Account u yow klam pyrchah ya kiwa pynman yakhih ha Jantar Mantar ka New Delhi deiwa ong toh u siat ki, ym biang du wow pynemkaam da ki Tear Gas.
Kam wow kdaw heini wa ki dkhot ka Cockroach Janta Party (CJP) da pynman yakhih ki ha Delhi yow dawa hiar chuki u of Union Education Minister Dharmendra Pradhan heiyatoh wa ki Paper Leak ka NEET heiwa manda wan toor ki paaid ka CJP da chah siat ki da ki Tear Gas.
U Mewanker da thoh u leh wa kini ki bru u tympra ki ya ka Parliament yow jia biang kamwa jia ha Nepal.
Ka yakhih ha New Delhi da joor bha deiwa chah thngan u Sonam Wangchuk da palat 20 sngi hadooh wa kit yabor ya oo cha thaw sumaar iwa da pynchit chooh chooh yei yakhih.
Ini iwa booh u Youth President ka BJP Meghalaya ha ki Social Media da chah beiñ i ha kiwa boon heiwa ki paidbah leh da chim Screenshot ki deiwa ong wa kammon u bru wa ksoh yei kaam wa em yei kitkhlieh u pynemkaam u kam kini ki kyntien wow siat syndon ya ki bru.
Neiliang u BJP kamjooh u Mewanker ym pu em pynche ki yeini hadooh wa pynmih ya ka khubor.
Discussion about this post