E khublei ka HANM ya u waheh chnong warim ka Ummulong wa pynlait im u ya kawi ka manbei

Ka Hynniewtrep Achik National Movement-West Jaiñtia Hills da e khublei sñiawngooh ko ya u waheh chnong warim ka Ummulong, u S.S. Langi wa da pynlait im u ya ka Saphapaia Suting ha i jia wa sñiawsih iwa da jia ha ka 15 tarik uni u bnai heiwa da yap noh ar ngut ki khon khyllood ko.

Kini ki khon ko toh ka Dangapaia Suting (23 snem) wa ka Dodavah Viviene Suting (16 snem) kiwa da dooh yei mynsien nei ngam-um katwa dang sum haneiñ yingkieñ Thlu ha Ummulong, West Jaiñtia Hills.

Ka seiñ da ong ko wa ka bei yong ki katwa dang pyrchang ko wow rap ya ki khon, ka leh da sahkut ko hapyrdi ka um wei da yoh u pynlait ya ka da u S.S. Langi.

Related posts

Rah ki pulit ya uwi uwa na West Jaiñtia Hills heiyatoh wa ka Bike Rally ka KSU

September 22, 2026

Yap ka tymmen hadien wa chah ngiat ha u chrieh pyn ha pchem yung

September 22, 2026

Ka seiñ da e khublei chooh chooh ko ya u S.S. Langi wa pait u ya ki bru wa chah ktah na ki æryong, i tyrrah kari, i iñ yung wa kiwi tawon ki jait yarap heiwa dang ha u snem 2025 da yarap u wow thooh laad lyngba ki chithi i thoh i tar ya u khnnah uwa wiar cha Bengaluru uwa na chnong Wahrymbai Ummulong hadooh wa uni u khynnah da wan biang u cha yung deiwa suk wa saaiñ.

Kamtæ da kyrpaad leh ya ki bor sorkar u yarap ki ya ka yung ka sem ka wa chem ya i jia wa sñiawsih deiwa e mynsien leh ya u S.S Langi wow nang ye u wow yarap ha kiwi ki por wa jia ki wym poi pyrkhat.