Ki khynroo ka jylla Meghalaya ynne ka sngi da yieñ tylli ki wa kiwi ha kylleiñ ka ri wow beiñ yei thombor ki pulit ya ki khynroo khyllood wa yakhih ha Jantar Mantar ka New Delhi.
Ha nongbah Shillong da pynman ya ar tylli ki yalang paidbah wow pyrchah ya ka Paper Leak yong ka Exam NEET-UG heiwa kawi ka yalang da pynman ha Laitumkhrah, Police Point wei kawi won ha Khyndailad.
Neiliang kiwa lai cha ka yalang paidbah ha Khyndailad da beiñ joor ki yei chah thombor ki khynroo wa yakhih heiwa kani ka yakhih toh neibynta ka mynried ki khynroo ka ri heiwa da pynmih ya ka jooh ka sur wow dawa hiar chuki ya u Education Minister, u Dharmendra Pradhan.
Ha ini i yalang paidbah, u MLA ka North Shillong, u Adelbert Nongrum leh da lai chimbynta u. Heiwa da ong u wa da leh u yeini kam uwa chong chnong wei wow beiñ yeiwa lait tooh ki Question Paper wei da beiñ u leh ya ki pulit ki wym ye wow khanglaad ya kiwa yakhih katkam ki kyndon ka synchaar khadar.
Hawa kylli, da ong u wa em ryngkat u wa ki khynroo wot hapyrdi i dawa wow phah pynhiar chuki ya u Education Minister.
Discussion about this post