3rd Division EJHDFA: Jop ka Seiñ Khynroo Umsatai

Ka 3^rd Division 2026 ka East Jaintia Hills District Football Association (EJHDFA) dapoi ko cha ka sngi wa ar ynne da le tylli ki yalehke.

Ka yalehke wa nyngkong da kut ko da 0-0 hapyrdi ka Wapung SSWO wa ka Borghat SCSC.

Related posts

Sdang ka 3rd Division 2026 ka East Jaintia Hills District Football Association

July 27, 2026

19 tylli ki takma yoh kiwa na East Jaiñtia Hills ha ka Meghalaya Wushu State Level Championship 2026

July 27, 2026

Ka yalehke wa ar won da kut ko da 2-2 hapyrdi ka Evergreen SC Ladwahwapung wa ka Pala SC. Ya ka Evergreen da thap da u Satisformi Lamo ha ka minit wa 3 wa u Jomiki Dkhar ha ka minit wa 27 katwa ya ka Pala SC da thap da u Ebiangmi Paslein ha ka minit wa 15 wa u Famous Paslein ha ka minit wa 22.

Ha ka yalehke wa le, ka Seiñ Khynroo Umsatai da jop ko da 5-0  ya ka Umrasong SCC da ki kool wa thap u Kephas Rymbai ha ka minit wa 13 wa 31, u Dameshwa Pyrtuh ha ka minit wa 35 wa u Jewell Sympli ha ka minit wa 52 wa 64.