Ynne ka sngi, u Reachingson Siangshai uwa man kam uwa yaleh RTI ha East Jaiñtia Hills District, da yachem u wa u DC uwa man leh kam u Chairman ka DSC yow e leh ya ka dorkhat wow dawa sdang noh yei pynyaleh kreh namo ka Recruitment Process neibynta ki Advertisement kiwa da pynmih nadooh u bnai October 2025.
U Reachingson da khana u leh wa ka DSC da pyntip ko cha oo ha ka 18-03-26 wa daw pyndep lut yow booh ki tarik iwa daw leh noh ha u bnai April-May 2026, tangwa hadooh katni ym pu em sdang.
Kamtæ da kylli u wa ileh ka DSC da chimpor ko palat 6 bnai yow pyndep ya ka Recruitment Process, neibhah katkam ka Standard Operating Procedure (SOP) kawa da pynmih da ka Personnel & Administrative Reforms (B) Department yong ka sorkar jylla, lyngba ka Office Memorandum kawa da pynbna nadooh 18 tarik u July 2024, ka Point Number 5 da kdaw che wa ki Recruiting Agencies (DSC, MPSC wa kiwi kiwi) toh u pyndep wei pynbna ki ya ka Final Result hapoh 6 bnai nadooh wa da pynmih Advertisement.
Wei kattæ da palat 6 bnai ym em leh yeini, neiliang u Reachingson ha ka dorkhat da e por u 30 sngi ya ka DSC wow pyndep noh ya ka Recruitment Process.
Neiliang u DC da kular u wow sdang hapoh itai i por wei da kyntu leh ya kiwa yalehkreh wow man ki kiwa da pynkhreh wei da kitbok kitrwiang u ya ki.
Discussion about this post